BLOG DA BIBLIOTECA DO CEIP PORTO CABEIRO (REDONDELA, PONTEVEDRA)

BLOG DA BIBLIOTECA DO CEIP PORTO CABEIRO (REDONDELA, PONTEVEDRA)
SAÍNZA, A NOSA MASCOTA

jueves, 28 de junio de 2018

NO VERÁN, PARA VIVIR AVENTURAS CUNHA BOA LECTURA

  Deixámosvos aquí a Guía de Lectura do Verán que leváchedes para casa o último día de clase. Esta feita con moito cariño entre todas as Bibliotecas Escolares do Concello de Redondela


miércoles, 27 de junio de 2018

AGASALLOS PARA OS VOLUNTARIOS E PARA AS MELLORES LECTORAS E DESPEDIDA


O xoves, 21 de xuño, na festa de Fin de Curso, fixemos entrega dun merecidísimo agasallo aos voluntarios/as da Biblioteca. Dezasete alumnos/as de 5º e 6º  axudáronnos ao longo do curso en moitas tarefas e sen esa axuda a Biblioteca non tería funcionado ben.
MOITAS GRAZAS e esperamos contar con moitos de vós para o vindeiro curso.
Ademais fixemos entrega ás tres mellores lectoras da nosa Biblioteca dun agasallo en forma de libro. Foron: Nerea, de , que levou en préstamo 26 libros; Xiana, de ,  21 e Naira, de , 17. 
PARABÉNS, GRANDÍSIMAS LECTORAS, e a seguir lendo no verán.
 Aproveito ademais, como Responsable da Biblioteca, para despedirme. Despois de dez anos intensos, pero eso sí cargados de moito traballo deixo a Coordinación da Biblioteca para dedicarme a outros labores. Foi marabilloso ter iniciado e estar á fronte deste Proxecto que seguro seguirá destacando pola súa calidade.

domingo, 24 de junio de 2018

ADEUS, CIRCO, ADEUS


A última Exposición do curso titulouse, como non, "Adeus, Circo, Adeus" e supuxo o broche final ao traballo desenvolvido  no Proxecto Anual.
 
Nesta ocasión tratábase de traballos elaborados por 2º de Primaria: Cada alumno/a confeccionou e pintou pallasos de varias pezas, unidas polas articulacións con encuadernadores: "As articulacións que graciosas son"
Por outro, un Lapbook "Chegou o circo" por cada alumno/a, un libro con solapas con desplegables con formato de carpa, recompilando todo o aprendido sobre o Circo
A Exposición foi vista por todo o alumnado do colexio e os alumnos de presentaron detalladamente os seus traballos explicando como fixeran para elaboralos.
ADEUS, CIRCO, ADEUS!!!

martes, 5 de junio de 2018

O CIRCO NO LENZO

A Biblioteca organizou a Exposición "As cores do Circo" con todas as reproducións feitas polo alumnado de Primaria dos cadros pintados por artistas que reflectiron nas súas pinturas a temática do Circo.
Esta foi a inspiración para que o alumnado de investigase a estes pintores e coa información recollida elaboraron un Power Point titulado "O Circo no Lenzo" que agora vos convidamos a ver:

lunes, 4 de junio de 2018

UN MARABILLOSO CONTO DONADO Á BIBLIOTECA

 
 A clase de Infantil de 4 anos desenvolveu un Obradoiro e inventou un conto moi orixinal   titulado "A bolboreta Enriqueta", cunhas fermosas ilustracións feitas coas mans estampadas a cor do seu alumnado. Estes son algúns exemplos:
 
 
Hai moitas máis ilustracións e, para que todos os lectores do colexio poidades gozar desta historia, donárona á Biblioteca dándolle a súa Responsable ás grazas.
Agora a seguir inventando historias que se vos da moi ben!!!

sábado, 2 de junio de 2018

O MUNDO DOS CONTOS DE ERIC CARLE


O alumnado de Educación Infantil coñeceu neste curso a obra do escritor e ilustrador infantil Eric Carle. 
Nos seus contos (a maioría inspirados na Natureza) apreciaron a súa técnica, e mesmo tentaron imitala, seguindo os pasos que o propio Eric Carle explica na súa Páxina Web. 
A propia curiosidade dos rapaces e rapazas deu lugar a que indagásemos na vida do autor e na súa carreira literaria e pictórica,  a través dunha serie de Obradoiros moi significativos para eles/as.
O resultado deste traballo foi un Proxecto no que nenos e nenas gozaron, aprenderon, crearon, imaxinaron e sentiron.
Ademais o Proxecto reflectiuse no suplemento educativo Faro da Escola, tendo unha oportunidade máis para coñecelo polo miúdo nas nosas casas.

viernes, 1 de junio de 2018

EXPOSICIÓN DE NOVIDADES


Acabamos de preparar os ultimísimos libros que mercamos e de preparar unha Exposición con eles. Aproveitade estas últimas semanas de curso para coñecelos e lelos. O próximo curso xa os poderedes levar en préstamo.
Hai para todas as idades e todos os gustos!

jueves, 31 de mayo de 2018

APRENDENDO A FACER UNHA ENTREVISTA

Aproveitando os Encontros con escritores que visitaron a Biblioteca este curso, as clases de e de Primaria realizaron Obradoiros para aprender a facer unha entrevista. entrevistou á escritora María Canosa 
 e a Marcos Calveiro
 entrevistas que todos e todas coñecedes xa que se incluíron no "Faro da Escola", repartido o 29 de maio entre todo o alumnado para levar as  casas e compartir a súa lectura coas familias.




martes, 29 de mayo de 2018

O CIRCO NO SUPLEMENTO DO FARO DA ESCOLA


O noso colexio participou na 3ª Edición do Faro da Escola,  suplemento educativo do xornal do Faro de Vigo.
Hoxe, 29 de maio de 2.018, todo o alumnado leva para as súas casas un exemplar deste Faro da Escola no que, entre outras moitas actividades, se reflicten  aquelas relacionadas co Circo que organizou a Biblioteca:
A visita do mago Cali, "Non é maxia...  é Ciencia", Exposición "Na pista, recicladores artistas"  coas figuras circenses de reciclaxe elaboradas polas familias e os seus fillos/as nas casas... o Powert Point "Máis difícil aínda.... Mulleres do circo", o Tendal Poético coas estrofas, acrósticos, contos en verso... convertindo a Rosalía de Castro en artista do circo e, tamén, os relatos gañadores do Concurso "O Circo nas Letras". 
 
 Estamos moi orgullosos de  visibilizar o noso traballo no exterior a través desta importante actividade de colaboración coa prensa, pola que o colexio recibiu un segundo premio na modalidade de Suplemento.