O martes, 16 de novembro, coincidindo coa “HORA DE LER” os nen@s maiores da escola acudiron á aula de 3 anos para lerlle un conto aos máis pequen@s do colexio.Cada un dos alumn@s da clase de Infantil elixira un libro da Biblioteca de Aula para que outro nen@ de 5º ou de 6º (“ o seu amig@ maior ”) llo lera nalgún curruncho que ambos escolleron conxuntamente.
Esta iniciativa non só se enmarca na dinámica de favorecer as relacións interpersoais entre compañeir@s do mesmo colexio e de crear novos vínculos para o alumnado acabado de incorporar ao Centro senón que se basea no convencemento de que a lectura, por parte dos maiores, é un elemento motivador importante dado o mimetismo dos máis cativ@s. Ademais, compartir momentos pracenteiros esperta sentimentos de complicidade e vínculos de amizade: é así como, ao final da lectura, cada “amigo maior” agasalla cun patiño de papiroflexia ao “amigo pequeno”.
No hay comentarios:
Publicar un comentario