No recibidor do colexio acabamos de colocar un Mural baixo o lema “Explora o teu corpo” para estimular a curiosidade do noso alumnado e como punto de partida na adquisición de coñecementos sobre este tema do noso Proxecto.
O Mural conta con ilustracións dos sistemas e aparellos do corpo humano, acompañadas de informacións e “curiosidades”, e de consellos prácticos de saúde.
No Mural ocupa un espazo central o “Home de Vitruvio” (1.490) de Leonardo Da Vinci, debuxo no que o autor mostra como os brazos e as pernas se poden enmarcar tanto nunha circunferencia como nun cadrado e no que establece a relación entre o tamaño da cabeza e o do resto do corpo.
Leonardo quería comprender e ilustrar o funcionamento interior do noso corpo. Para facelo tiña que practicar diseccións. Isto apenas se fixera anteriormente, xa que a Igrexa o consideraba faltar ao respecto a Deus e a xente da súa época se sentía molesta diante desas investigacións. Porén, as cousas cambiaron, e ao longo da súa vida, Leonardo disecou máis de 30 corpos. Os seus estudos dos músculos, ósos, articulacións e órganos eran sorprendentemente detallados, e ademais estudou a estructura do corazón e do sistema circulatorio.
Na nosa Biblioteca podes consultar estas e máis cousas sobre Leonardo. Recomendamos a seguinte lectura:
No hay comentarios:
Publicar un comentario