A última ocasión para coller libros en préstamo foi a semana do 27 ao 31 de maio xa que a Biblioteca pecha o 14 de xuño, venres. Nesa data todos os libros teñen que estar de volta. Do 17 ao 21 de xuño os voluntari@s mais a Responsable revisarán os fondos. As Mochilas Viaxeiras tamén descansarán no Colexio a partir do venres, 14. Para o próximo curso virán cargadas de novidades.
Mentres vinde no recreo a ler, usar os ordenadores e escoitar música. Podedes contemplar a última Exposición dos traballos de investigación das aulas sobre o Proxecto deste curso: os Libros dos Sentidos e do Corpo humano e outros traballos de Infantil. Tamén un sobre a Antártida feito por un alumno de 5º de Primaria.
Tamén podedes ver a última adquisición para mellorar a comodidade do alumnado de Infantil no seu recuncho da Biblioteca. Trátase de dous banquiños de madeira.
No hay comentarios:
Publicar un comentario