Para gozar da lectura en torno á celebración do SAMAÍN, a Biblioteca fixo unha selección de "LECTURAS DE MEDO… PARA LER SEN MEDO", adaptada ás distintas idades do noso alumnado:
“Lobishome”, ¿Quién está debajo del agua?, "¿Quién es? ¡Cuidado!, "Nada puede asustar a un oso", "Violeta quere ser vampiro"
e moitas máis:
Puidemos lelas os días anteriores e o mesmo día da
celebración, facendo diversas actividades como debuxos de portadas,
manualidades...
Para a celebración do Samaín o colexio pediu a alumnado e familias que decorasen cabazas con elementos relacionados coa temática anual da Biblioteca. Con elas fixemos unha EXPOSICIÓN no Corredor do medo, admirada por toda a Comunidade Educativa, o martes, 31 de outubro.
Houbo todo tipo de esculturas cabaceiras circenses que puxeron de manifesto a grande imaxinación de nenos e familias: carpas, malabaristas, magos, domadores, pallasos, botadores de cartas, trapecistas, forzudos, homes bala… dispostas todas en torno ao Corredor do medo, decorado con motivos da celebración,
pero tamén con moitos murais sobre o Circo elaborados e pintados pola mestra e o alumnado de 2º de Primaria.
O alumnado pasou polo Corredor
pero tivo máis sorpresas como o Circo dos Terrores, onde puido facer a escuras un circuito de xogos.
A festa samainera contou con obradoiros de maquillaxe, fotografías diante dun Photocall e merendas de medo...
No hay comentarios:
Publicar un comentario