Hai uns días tivemos a gran sorte de
que nos visitaron dous actores da nosa contorna Iago Novoa e Miguel Borines.
Iago Novoa, é un actor novel que se esta iniciando no mundo da interpretación.
Participou en obras musicais coma “La Bella y la Bestia”, curtametraxes e
longametraxes coma “Rancor” onde coincidou con Miguel Borines. Deunos moita
información sobre a súa traxectoria e de como realizar o seu traballo. No caso
de Miguel Borines (Tanxarina títeres) que xa conta cunha longa traxectoria no
medio audiovisual, nos falou da súa participación en Serramoura ou platos
combinados da TVG e en diferentes curtametraxes e longametraxes coma "Los
lunes al sol". Deunos moita información de como se organiza un set de rodaxe,
da grande importancia de todos os que participan nunha película tales como os resposables
de maquillaxe, perruquería, vestiario… Tamén nos falou do xeito de realizar
efectos especiais, o que nos resultou moi sorprendente. Ao rematar contestaron
a todas as preguntas e curiosidades que tiñan os nenos e nenas.
Moitas grazas por vir a visitarnos, podedes voltar cando queirades!
No hay comentarios:
Publicar un comentario