O día 24 de outubro celébrase en todo o mundo o Día das Bibliotecas e, claro está, no noso colexio non podía ser menos. Ocorréusenos facer unha maratón de lectura na biblioteca e cada curso escolleu un conto galego para ser lido entre o alumnado. Coñecemos historias tan nosas como: "Ratiña linda de Compostela", "O Quirico lambón", "Vermiño", "A galiña azul", "Catro contos para unha data", "Xelo, o cartero xurelo" e... moitos máis.

Foi unha actividade gozosa e entretida.