POESÍAS DE INVERNO

Seguimos coa nosa HOMENAXE a Celso Emilio Ferreiro, nesta ocasión, cun poema que leva por título:

"INVERNO"

 

Chove, chove na casa do probe

e no meu corazón tamén chove.

 

Dor da mau encallecida,

dor da xente aterecida

de frío polos camiños.

Dor dos vellos e meniños.

Dor dos homes desherdados

e dos que están aldraxados.

 

Mágoa da ferida allea.

Dor dos que están na cadea,

dos que sofren a inxustiza

e viven baixo a cobiza.

 

Mágoa e loito

por tanto pranto que escoito.

 

Chove, chove na casa do probe

e no meu corazón tamén chove.

  

E, agora, un do poeta do Courel  Uxío Novoneyra 

 

Neva no bico do cume,

neva xa pola ladeira,

neva no teito e na eira.

 

Cai a neve, cai e cai,

folerpiña a folerpiña,

nin o vento a arremuíña,

nin a auga a desfai.

 

Xea.

Vai un frío que queima.