O 13 de xaneiro, o alumnado de 5 anos, 1º e 2º acudiu a Redondela a ver un espectáculo de Teatro musical basado no conto clásico “Os
tres porquiños”, fábula con coñecidos personaxes animais
personificados.
Os nosos cativos gozaron dunha representación cuxo contido era sobradamente coñecido para eles. Logo, na Biblioteca, desenvolveron distintas actividades como a elaboración de máscaras dos protagonistas do relato.
O 30 de xaneiro, o alumnado de 3º, 4º, 5º e 6º acudiu a
Redondela a participar nun espectáculo do grupo
Tanxarina títeres que consistiu en coñecer de
primeira man os distintos tipos de marionetas empregadas nos seus espectáculos
(de madeira, pano, cartón pedra, sombras chinesas…) e como se podían manipular
e mover dentro do escenario para que cobrasen vida teatral.
Tanxarina recreou sobre o escenario catro espazos para poñer en escena fragmentos de distintas obras representadas polos seus monicreques. O alumnado puido interactuar cos mesmos, manipulándoos, achegándose deste xeito ao marabilloso mundo da fantasía titiriteira.
No hay comentarios:
Publicar un comentario