Este curso celebramos un Samaín especial amosando As pegadas do Home na Historia.
O alumnado, xunto coas súas familias, na “Semana dos medos”, decorou cabazas “esculpidas” con múltiples motivos relacionados coa historia humana. Así xuntáronse verdadeiras esculturas cabaceiras representando variados dinosauros prehistóricos; personaxes exipcios e romanos como faraóns e soldados; reis, raíñas e bufóns medievais; inventos modernos como a televisión, a radio, os satélites, o teléfono móbil…
O mércores, 30 de Outubro, ao entrar no Colexio, fomos sorprendidos coas cabazas acendidas e, ao seu redor, todos xuntos cantamos cancións aprendidas na Aula de Música. Ao rematar a mañá, cada alumn@ levou para a casa a súa cabaza para acendela pola noite, e así celebrar o fin da tempada da colleita na cultura Celta e o comezo do seu aninovo.
No hay comentarios:
Publicar un comentario