SESIÓN DE FORMACIÓN DE USUARIO@S

Ola a todo@s:

Outra vez convosco para informarvos das actividades que se están a desenvolver e que se van realizar na nosa Biblioteca en próximas datas:
* Durante a semana do luns 18 ao venres 22 de outubro, organizamos unhas sesións de formación de usuari@s entre o alumnado, para recordar temas como as normas da biblioteca, as condicións de préstamo de libros, a localización dos mesmos a través dos códigos de cores e numéricos, as condicións de uso dos ordenadores e unha campaña de coñecemento cara á utilización do recén creado blog da biblioteca. Aproveitamos para repartir os carnés de lectores.
* Comentarvos tamén as actividades máis próximas no tempo:

- A partir do día 22 de outubro (venres) poranse en marcha as "Mochilas viaxeiras", cunha carga de libros que poderán estar unha semana en cada casa (de venres a venres).
- O luns 25 e o martes 26 de outubro organizaremos unha "maratón de lectura" de contos populares galegos para celebrar o "Día Mundial das Bibliotecas".
- A apertura da Biblioteca terá lugar o luns 25 de outubro, despois dunha reorganización co obxectivo de mellorar as nosas prestacións.

XUÑO 2010

☼ Na semana do 31 de maio ao 4 de xuño podedes visitar na Biblioteca a Exposición que fixemos cos marca páxinas deseñados por cada un de vós e coñeceredes os gañadores/as. Leredes os seus slogans: “Se depre estás, cos libros te divertirás”, “ Le e entra nun mundo de diversión”, “ Hai contos que axudan a crecer”, “ Embárcate na lectura”, “ A lectura é unha ilusión”,

“ O libro é o noso amigo de sempre”, “ A lectura é unha gran aventura”, “ A lectura ábreche a mente”, “ Mergúllate na lectura e nada cara á aventura”, etc

☼ 2 e 4 de xuño serán as datas das últimas saídas á Biblioteca de Redondela. Irán 6º e logo 4º e 5º xuntos.

☼ A Biblioteca pecharase o venres, 4 de xuño para ordenar e facer inventario, polo que antes desa data se devolverán os libros en préstamo. Recolleranse os carnés de lectores/as para deixalos en depósito na Biblioteca ata o próximo curso.

☼ Os alumnos/as de 5º recibirán o cursiño de bibliotecarios o 7 de xuño, luns, no recreo. O alumnado colaborador de 6º recibirá un Diploma na Festa de Fin de Curso, o 22 de xuño.

☼ As Mochilas Viaxeiras levaranse por última vez ás casas o luns, 14 e se devolverán o venres, 18 de xuño, para o seu inventario e quedar depositadas na Biblioteca.

☼ Coas vosas notas recibiredes como agasallo o marca páxinas gañador de cada Ciclo de Primaria. Os de Infantil levarán o seu propio, plastificado.

☼ Ben, chegou o momento de despedirse. Despois de tantas actividades feitas desde a Biblioteca, desexamos que no verán, entre baño e baño, saquedes tempo para ler.

FELIZ VERÁN E FELICES LECTURAS !!!