Para conmemorar a FESTA DO LIBRO, ao longo de abril, organizaremos distintas actividades:
1º: Exposición, na entrada da Biblioteca, con:
- Diversas adaptacións do “Quijote”.
-Libros de Marcos Calveiro, que
visita á Biblioteca.
-Materiais de Manuel María como“O
bigote de Mimí”, “Os soños na gaiola”… Unidades didácticas,
recompilacións poéticas e libros CD.
2º: Encontro co escritor Marcos Calveiro:
“Palabras de auga” foi un dos títulos
escollidos para ler en 5º
e 6º. O seu autor visitounos na Biblioteca para falarnos desta obra e
do seu proceso creativo.
Explicounos que foi o que o levou a recrear a historia
en África, que pretendía denunciar, como e en que se inspirou… Amosounos a
terrible situación na que vive este continente, en especial, os máis cativos
como, por exemplo, os nenos soldado. O alumnado fixo todo tipo de preguntas ao
autor de libros tan premiados como “O pintor do sombreiro de malvas”, “O
carteiro de Bagdad”, "O canto dos peixes", "Centauros do Norte"…
Logo asinou o Libro de Honra da Biblioteca,
os libros de lectura do alumnado e o Mural
onde se incluían as valoracións do alumnado de 6º sobre o libro.
3º: "TELLING STORIES AT THE LIBRARY": As mestras contarán na Biblioteca historias en inglés a todo o alumnado do centro. Empezaron con Infantil:
