RECOMENDACIÓNS LECTORAS

 Ola a todos e todas,

desde a biblioteca escolar queremos desexarvos unhas felices vacacións e facer que  esas vacacións sexan máis divertidas con estas recomendacións de lecturas.

ENQUISA PLAMBE CURSO 25/26

 Estimada comunidade educativa,

co obxecto de avaliar o funcionamento da biblioteca escolar do noso centro, o equipo de biblioteca quere agradecer a vosa colaboración cubrindo a seguinte enquisa. Preme enriba da que che corresponda.

ENQUISA ALUMNADO               ENQUISA FAMILIAS               ENQUISA MESTRES 

           

       *Aproveitamos para informar de que a partir do venres 5 de xuño non se farán máis empréstitos, unicamente se poderán devolver os materiais emprestados.

Grazas!         

PENLAS E BURRAS

 Ola a todas e todos!

Hoxe visitaron o noso cole dúas burras. Viñeron soas porque as penlas xa estaban na escola!

Estas mulleres xunto con tres das nosas compañeiras contáronnos moitas cousas. De onde ven a tradición do baile das penlas e as burrase a lenda da Coca de Redondela. Fixeron unha exhibición do baile e amosáronnos as partes máis importantes do traxe das penlas: o corsé e as ás.

Bravo! estivo xenial!

VOTAMOS O PROXECTO

Ola a todos e todas!

Hoxe é o día que todos e todas estabamos agardando, o día en que votamos para esoller o proxecto do vindeiro curso 26/27.

A cousa estivo complicada. Das catro opcións que tiñamos gañaron dúas por empate a 36 votos. así que non quedou outra que facer unha segunda volta para desfacer o empate.

Agora si que temos gañador. Se queres saber cal será o proxecto do vindeiro ano terás que ver o video.

Letras Galegas

 Ola de novo!

Como xa saberedes esta semana estamos festexando o Día das Letras Galegas con diversas actividades sobre Begoña Caamaño. 

Coñecemos un pouco máis da súa vida a través de distintas estacións de aprendizaxe. 

Contamos cun contacontos musicado e ilustrado grazas ao servizo de Normalización do Concello de Redondela. Impartido polo Colectivo Xurelo, Marcelo, Quique e Tania fixeron un repaso da vida da autora e un pequeno obradoiro de debuxo. 

O alumnado voluntario preparou unha obra de teatro de sombras. Como vedes temos unha semana do máis completa, agardamos que disfrutedes.

                           TEATRO DE SOMBRAS  

BOOKTUBER

 Ola a todos e todas!

Os compañeiros voluntarios de biblioteca quixeron facernos algunhas recomendacións de novidades que temos na biblioteca.

Grazas!

Begoña Caamaño

 Ola rapazada!

Preme aquí para xogar 

Agardamos que disfrutaras.

PAULA MERLÁN

 Bo día rapazas e rapaces!

Onte recibimos a visita da autora do libro Uxía e o mar, Paula Merlán. 

Tivemos o pracer de escoitar o conto da voz da autora, aproveitamos para facerlle unha entrevista e firmou os noso exemplares.

Grazas Paula!

 

Aquí poderemos escoitar a entrevista que lle fixeron  os nenos e nenas de 1º e 2º.

OBRADOIRO ABRIL

 Ola rapazada!

Durante o mes de abril realizamos un obradoiro de arte con libros

Bicos e ata pronto!

DÍA DO LIBRO

 Ola rapazada,

hoxe, 23 de abril celébrase o Día do Libro, e desde a biblioteca escolar temos unha axenda chea de actividades.

Unha das actividades que máis nos gusta para festexar este día é compartir unha lectura, por iso repetimos.

Aproveitando un día precioso realizamos a actividade ao aire libre. Deixo unhas fotos por aquí.

Recibimos tamén a visita de Anxo Iglesias, poeta, que realizou un divertidísimo obradoiro de poesía co 5º curso de primaria e outro con 6º. Ademais concedeunos unha entrevista que podemos escoitar aquí.

En relación ao noso proxecto de centro creamos un Libro Máxico entre todo o alumnado que consiste en crear caligramas ou acrósticos e recollelos nun único exemplar que poderemos ler na biblioteca. Quedou un traballo precioso. 

Feliz día do libro!

Miguel Alonso Diz

 Ola a todos e todas!

Este pasado venres recibimos a visita do recoñecido autor Miguel Alonso Diz.

Tras ler dúas das súas obras, "De príncipes, princesas e outras andrómenas" e "Axencia galega de asuntos máxicos", o alumnado de 3º e 4º de primaria recibiuno na nosa biblioteca para realizar unha charla-coloquio e un obradoiro de poesía.

Grazas Miguel 

21 DE MARZO, DÍA DA SÍNDROME DE DOWN

Ola a todos e todas!

Con motivo do día da Síndrome de Down, a asociación XUNTOS, achegouse ao noso cole para desenvolver obradoiros e actividades de concienciación desde 3 anos a 6º.

Entre outras avtividades contáronnos un dos nosos contos favoritos, "O paraugas de cebra", e fixemos unhas chapas co logo para lucir ese día.

Desde a nosa escola queremos dar o noso agradecemento a esta asociación.

 

OBRADOIRO DE COLLAGE

 Bo día!

Este mes realizaremos un obradoiro de collage na biblioteca. Podedes achegarvos durante os recreos e disfrutar desta actividade creativa. 

E xa sabedes, se tedes algunha dúbida preguntade as mestras de biblio ou aos voluntarios evoluntarias.

Bicos!

ENTROIDO

 Ola a todos e todas!

Como cada curso festexamos o entroido cun desfile e unha boa enchenta de doces típicos.

A temática deste ano foi a maxia, en relación ao noso proxecto de centro. Magos, coellos brancos, Merlín e sombrereiros tolos foron os disfraces escollidos polos diferentes ciclos.

Grazas á colaboración das familias puidemos degustar destes manxares nunha festiña que, por mor da chuvia, tivemos que celebrar no salón de actos da escola.

Ata outra!

8M DÍA DA MULLER

 Ola a todas e todos!

Nesta semana traballaremos en distintas actividades relacionadas co Día da Muller.

Desde investigacións sobre diferentes mulleres pioneiras en distintos ámbitos ata un espectáculo de maxia que  realiza un percorrido sobre as distintas mulleres magas ao longo de diferentes épocas.

Aquí deixo unhas fotiños