Ola de novo!
Durante este mes de outubro querémosvos convidar a participar no obradoiro de cómic que estamos a realizar na biblioteca.
Debe ser de terror así que inventa un personaxe aterrador e tira de imaxinación.
Ao rematar o mes faremos a exposición das vosas creacións.
Ademais, co gaio de Samain, celebraremos un ciclo de cine de terror. As pelis serán sorpresa!!!
Vémonos pola biblio, ata pronto!
.png)
Ola rapazada!
Hoxe realizamos na nosa escola algunhas actividades realacionadas co noso proxecto "Parques Naturais".
O alumnado de infantil e 3º ciclo de primaria participou no Programa de educación ambiental patrimonio natural, dependente da consellería de medio ambiente da Xunta de Galicia.
Durante a charla puidemos coñecer os elementos naturais que se atopan nas nosas fragas, aprender a respetalos e apreciar a súa valía.
Logo, o alumnado de 3º ciclo participou nun scape room con distintas probas nas que debiamos aplicar coñecementos sobre o impacto medioambiental e a pegada que deixamos na natureza.
Grazas Fran e Manolo pola vosa visita!
.png)
Ola de novo rapazada!
Benvidos e benvidas a este novo curso que comeza con moitas actividades.
Como é sabido por todos e todas, a temática do noso proxecto é parques naturais así que o que mellor podiamos facer para comezar con ganas é ir visitar o primeiro parque natural da nosa comunidade, o Monte Aloia. Aprendemos sobre a flora e a fauna autóctona e sobre algunhas especies foráneas que alí se atopan durante un pequeno roteiro que realizamos ao redor do centro de interpretación.
Como cabía esperar, pasámolo xenial. Deixo por aquí algunhas imaxes.
Ola a todos e todas,
desde a biblioteca escolar queremos desexarvos unhas felices vacacións e facer que esas vacacións sexan máis divertidas con estas recomendacións de lecturas.
Estimada comunidade educativa,
co obxecto de avaliar o funcionamento da biblioteca escolar do noso centro, o equipo de biblioteca quere agradecer a vosa colaboración cubrindo a seguinte enquisa. Preme enriba da que che corresponda.
ENQUISA ALUMNADO ENQUISA FAMILIAS ENQUISA MESTRES
*Aproveitamos para informar de que a partir do venres 5 de xuño non se farán máis empréstitos, unicamente se poderán devolver os materiais emprestados.
Grazas!
Ola a todas e todos!
Hoxe visitaron o noso cole dúas burras. Viñeron soas porque as penlas xa estaban na escola!
Estas mulleres xunto con tres das nosas compañeiras contáronnos moitas cousas. De onde ven a tradición do baile das penlas e as burrase a lenda da Coca de Redondela. Fixeron unha exhibición do baile e amosáronnos as partes máis importantes do traxe das penlas: o corsé e as ás.
Bravo! estivo xenial!
Ola a todos e todas!
Hoxe é o día que todos e todas estabamos agardando, o día en que votamos para esoller o proxecto do vindeiro curso 26/27.
A cousa estivo complicada. Das catro opcións que tiñamos gañaron dúas por empate a 36 votos. así que non quedou outra que facer unha segunda volta para desfacer o empate.
Agora si que temos gañador. Se queres saber cal será o proxecto do vindeiro ano terás que ver o video.
.png)
Ola de novo!
Como xa saberedes esta semana estamos festexando o Día das Letras Galegas con diversas actividades sobre Begoña Caamaño.
Coñecemos un pouco máis da súa vida a través de distintas estacións de aprendizaxe.
Contamos cun contacontos musicado e ilustrado grazas ao servizo de Normalización do Concello de Redondela. Impartido polo Colectivo Xurelo, Marcelo, Quique e Tania fixeron un repaso da vida da autora e un pequeno obradoiro de debuxo.
O alumnado voluntario preparou unha obra de teatro de sombras. Como vedes temos unha semana do máis completa, agardamos que disfrutedes.
TEATRO DE SOMBRAS .png)
Ola a todos e todas!
Os compañeiros voluntarios de biblioteca quixeron facernos algunhas recomendacións de novidades que temos na biblioteca.
Grazas!
Bo día rapazas e rapaces!
Onte recibimos a visita da autora do libro Uxía e o mar, Paula Merlán.
Tivemos o pracer de escoitar o conto da voz da autora, aproveitamos para facerlle unha entrevista e firmou os noso exemplares.
Grazas Paula!
Ola rapazada!
Durante o mes de abril realizamos un obradoiro de arte con libros
%20(2).jpg)
Bicos e ata pronto!
Ola rapazada,
hoxe, 23 de abril celébrase o Día do Libro, e desde a biblioteca escolar temos unha axenda chea de actividades.
Unha das actividades que máis nos gusta para festexar este día é compartir unha lectura, por iso repetimos.
Aproveitando un día precioso realizamos a actividade ao aire libre. Deixo unhas fotos por aquí.
Recibimos tamén a visita de Anxo Iglesias, poeta, que realizou un divertidísimo obradoiro de poesía co 5º curso de primaria e outro con 6º. Ademais concedeunos unha entrevista que podemos escoitar aquí.
En relación ao noso proxecto de centro creamos un Libro Máxico entre todo o alumnado que consiste en crear caligramas ou acrósticos e recollelos nun único exemplar que poderemos ler na biblioteca. Quedou un traballo precioso.
Feliz día do libro!
Ola a todos e todas!
Este pasado venres recibimos a visita do recoñecido autor Miguel Alonso Diz.
Tras ler dúas das súas obras, "De príncipes, princesas e outras andrómenas" e "Axencia galega de asuntos máxicos", o alumnado de 3º e 4º de primaria recibiuno na nosa biblioteca para realizar unha charla-coloquio e un obradoiro de poesía.
Ola a todos e todas!
Con motivo do día da Síndrome de Down, a asociación XUNTOS, achegouse ao noso cole para desenvolver obradoiros e actividades de concienciación desde 3 anos a 6º.
Entre outras avtividades contáronnos un dos nosos contos favoritos, "O paraugas de cebra", e fixemos unhas chapas co logo para lucir ese día.
Desde a nosa escola queremos dar o noso agradecemento a esta asociación.
