MALETAS VIAXEIRAS

 Ola rapaces e rapazas

Maletas viaxeiras preparadas, listas...XA

Hai dúas maletas viaxeiras con materiais sobre inclusión e diversidade pululando polas aulas. Estarán en cada aula 15 días e logo cambiarán de clase. Disfrutade destes materiais e coidádeos moito.

Un libro é un tesouro.

Bicos e apertas

DÍA INTERNAIONAL DA MULLER

O 8 de marzo celebramos o día internacional da muller tendo en conta o lema "Son da xeración igualdade: polos dereitos das mulleres" proposto pola ONU. Tendo en conta este lema e o proxecto deste curso decidimos facer visibles a todas as mulleres "invisibles" do mundo do cine, achegando ao alumnado a unha igualdade real tan necesaria na nosa sociedade. Dende a biblioteca propuxemos unha reflexión sobre a figura da muller en postos directivos na industria do cine así como en postos como a realización, cámara, son... e reflexionamos tamén sobre a diferenza entre actores e actrices ao chegar a certa idade.

Para facer visibles a todas estas mulleres, escollemos algunhas representantes que colgamos na entrada do cole nun mural chamado "Mulleres de cine". A continuación contactamos con algunhas delas a través de redes sociais e xa recibimos resposta! En canto poidamos vos deixaremos aquí as novidades.

Pincha aquí para ver nosa presentación de mulleres de cine

Ademais, puxemos en marcha a maleta de igualdade con materiais relacionados con este tema adaptados a todo o alumnado do centro. Inicia o seu camino en 6º de Educación Primaria e o rematará en 4º de Educación Infantil.

Por último, realizamos unha sesión de contacontos en educación infantil a cargo de dúas voluntarias da biblioteca, Alba e Uxía. Contaron "Las princesas también se tiran pedos".

NOVEMBRO: MES DA CIENCIA EN GALEGO

En novembro celebramos o mes da ciencia en galego. Dende a Biblioteca Escolar puxemos en marcha a maleta científica que comeza por 6º de Educación Primaria e visitará todas as aulas do centro.

Fixemos un mural onde se recollen inventos que foron imaxinados para unha película de cine e que hoxe en día son realidade. Por exemplo: os coches autónomos, as impresoras 3D ou as gafas interactivas.

Tamén recibimos a visita do mago Paco coa actividade "Matemaxia" organizada polo Concello de Redondela. Con esta actividade o alumnado fíxose consciente de que certas cousas que parecen maxia non o son, xa que en realidade, e cuestión de ciencia.

AS MALETAS VIAXEIRAS DO CURSO 2.017/18 CHEGAN A 2º E A 6º

A Biblioteca preparou dúas Maletas Viaxeiras: unha para os maiores da  escola;

 e outra, para os máis cativos,

cheas de materiais de  literatura e consulta, como son os libros do circo ou os escritos por María Canosa, que visitará proximamente a Biblioteca.

 Ámbalas maletas estarán entre catro e cinco  semanas en cada clase. Levan dentro o inventario dos materiais (libros e revistas) e o calendario coas quendas de reparto.

 A dos peques  viaxou primeiro a 2º de Primaria

e a dos maiores foi a 6º.

Pero tranquilos que chegarán a todas as aulas no resto do curso

MALETAS VIAXEIRAS 2.017

 As nosas dúas Maletas Viaxeiras iniciaron hoxe, luns 23 de xaneiro, o seu percorrido polas aulas.

 A de Infantil, 1º e 2º de Primaria xa chegou a este último curso, sendo recibida con moito entusiasmo polo seu alumnado.

A dos maiores, xa quedou instalada en 5º de Primaria, inicio da súa viaxe por  3º, 4º, 5º e 6º.

Ambas Maletas van dotadas de materiais de literatura e consulta, elixidos polas titoras e  adaptados  á idade do alumnado. Entre estes materiais estaban os relacionados co noso Proxecto Anual do Espazo. Permanecerán ambas as dúas Maletas entre catro e cinco  semanas en cada clase.