O Equipo de Dinamización da Lingua Galega levou a cabo a iniciativa da elaboración dunha Postal que felicitase o Nadal á Comunidade Educativa do noso Centro, parecéndolle unha boa idea recoller o tema do Proxecto da Biblioteca como elemento aglutinador do seu deseño.
Para iso se solicitou a colaboración das familias do alumnado de Infantil e do 1º Ciclo de Primaria para decorar Mandalas que contiñan elementos mariños: peixes, estrelas de mar, buguinas… A Mandala realizada por cada familia pasou a formar parte da portada de dita postal.
Pola súa parte, o alumnado do 2º e 3º Ciclos de Primaria inventou slogans en galego sobre o tempo de Nadal e entre todos eles se escolleu un que foi o que serviu de felicitación escrita incorporada ao interior da postal.
Asemade un enorme polbo mariño anunciou a chegada do Nadal no noso colexio.
No hay comentarios:
Publicar un comentario