Ao longo deste curso o colexio viaxou polo mundo na procura de coñecemento. Moitos foron os Proxectos de investigación levados a cabo que se materializaron de maneiras diferentes:
En Infantil desenvolveron distintas investigacións que plasmaron na realización de actividades como: Exposicións de obxectos de México, Francia e Italia (os países estudados) aportados polas familias; Libros de traballo e Libros viaxeiros; visionado de monumentos con googlemaps; obradoiros de pasta fresca, queixo, baguettes e comida mexicana así como degustación; manualidades para facer mapas, bandeiras e máscaras; obras de teatro como a dramatización de Pinocho; cantando “cumpleanos feliz” en italiano… Reprodución de cadros de pintores galegos cuxa temática recordaba México, Francia e Italia.
En Primaria utilizáronse os recursos da Biblioteca e de Internet
na busca de información para realizar traballos:
En 1º, Libro Viaxeiro dos animais do Ártico; Álbum de fichas de
Groenlandia; Mural “Día Internacional do oso polar”; manualidades para
confeccionar máscaras de inuits; creación de Haikus…
En 2º,
Dossier individual “Rumbo a Xapón” para estudar de forma
multidisciplinar este país; murais diversos; invención de Haikus;
manualidades para elaborar máscaras samurais, caretas de animais,
monecas, flores kirigami e figuras origami (pombas, garzas, copos de
neve…). Práctica da danza xaponesa Bonodori.
En 3º elaboración de mapas e bandeiras de Brasil; murais coa fauna e traballos sobre os Xogos Olímpicos de Brasil 2.016.
En 4º, Taller de poesía inventando poemas sobre Australia; mural co mapa do país para estudar os seus animais e plantas.
En
5º, recompilaron relatos tradicionais da India para contárllelos a
outros cursos e na propia aula; mural para recoller os aspectos maís
salientables do país como persoeiros importantes, a relixión, as
cidades… Celebración de festa do Diwali (novembro). Creación de Haikus.
En
6º, mural “Unha gran volta polo mundo” marcando a viaxe do libro “A
volta ao mundo en 80 días”; exposición de obxectos do mundo; cadernos de
Entroido con datos culturais, xeográficos, musicais…Traballos sobre os
contos e volcáns do mundo, rutas diferentes por Europa; trípticos dos
Parques nacionais de España. Creación de Haikus.
En Educación Física, cada curso investigou sobre un xogo ou deporte que destaca no país que estudou:“Balero”,“Petanca”,“Curling”,“Kendama”,“Mikado”, “Indiaca”,“Boomerang”,“Croquet”, “Cubo de Rubik” e “Skate finger”. Logo aprendeu o xogo, con intercambios entre cursos. O alumnado de 6º de Primaria (Abalar) preparou unha presentación dixital de cada un dos xogos. Confeccionouse un mural e exposicións.
Traballouse a alimentación e os alumnos de 5º e 6º fixeron unha montaxe dixital coas receitas de diferentes países que máis lles gustaron.
Traballouse a alimentación e os alumnos de 5º e 6º fixeron unha montaxe dixital coas receitas de diferentes países que máis lles gustaron.
Na Sección Bilingüe de Plástica, o alumnado de 6º e 5º de Primaria desenvolveu diferentes investigacións usando os recursos Abalar e despois realizou traballos plásticos variados: A Torre Eiffel, murais de distintos países do mundo como Exipto, Italia…A mestra de inglés tamén investigou nas súas clases sobre o Reino Unido.
En música fíxose a adaptación da canción “Paralá”, mencionando os países estudados dentro do Proxecto sendo interpretada polo alumnado na conmemoración do “Día da Paz”; tamén investigacións para coñecer instrumentos musicais de cada país.
A Biblioteca, a súa responsable e alumnado colaborador, confeccionaron un cómic e un mural de África para plasmar o investigado sobre a República Sudafricana.
No hay comentarios:
Publicar un comentario