Dúas Maletas acaban de iniciar unha xira moi particular polas clases do colexio: Son as Maletas Viaxeiras, unha para Infantil, 1º e 2º de Primaria, e outra para 3º, 4º 5º e 6º de Primaria.
As Maletas Viaxeiras levan consigo materiais diversos de literatura e de consulta da Biblioteca Escolar, adaptados á idade do alumnado e elixidos polas titoras de cada curso. Entre estes materiais están os relacionados co Proxecto Anual deste curso.
Inician agora a súa viaxe en 1º e 5º de Primaria, permanecendo varias semanas nestas aulas. Máis adiante continuarán viaxe polas demais clases do colexio. Estade atentos á súa chegada e gozade coa súa lectura e consulta.
No hay comentarios:
Publicar un comentario